Светското производство намалено, цените на вината ќе растат
Објавено во: Агробизнис, Свет 02 Ноември, 2012
Оваа година поради лошите временски услови и слабата берба на грозје, се очекува драстично намалување на производството на вино на глобално ниво. Според проценките на Меѓународната организација за лозарство и винарство, вакво намалување на производството на вино не е забележано во последните 30-тина години. Најмногу се погодени винарските визби во Аргентина, каде што бербата на грозје е намамлена за 24 отсто во однос на минатата година. Ништо поразлична не е состојбата и двете традиционално најголеми земји производители на вино, Италија и Франција. Меѓународната организација за лозарство и винарство, единствено во Америка предвидува раст на производството на вино за 7 отсто. Минатата година производството на вино на светско ниво изнесувало 265 милиони хектолитри вино, додека оваа година се очекува производството да биде намалено на околу 250 милиони хектолитри вино. Ваквото производство нема да ги покрие светските потреби за вино, особено во дел од државите каде што потрошувачката за овој производ континуирано расте, па затоа очекувањата се дека ќе има зголемување на цената на виното.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
