СЗО ЗА ИНДИСКИОТ СОЈ: Toj може да зарази дури и луѓе со јак имунитет
Објавено во: Свет, Корона Вирус 10 Јуни, 2021
Индискиот сој на коронавирус ќе се прошири низ цела Европа. За ова предупреди Светската здравствена организација (СЗО). Шефот на регионалната канцеларија на СЗО за Европа, Ханс Клуге вели дека моментно оваа варијанта на вирусот предизвикува најсериозна загриженост.
Таа е поопасна, позаразна и може да зарази дури и луѓе со јак имунитет. Клуге ги повика Европејците да не ги занемаруваат здравствените мерки. Тој изрази надеж дека искуството во борбата против коронавирусот ќе помогне да се избегнат голем број грешки направени на почетокот на пандемијата, што ќе овозможи да се спасат човечки животи.
Индија урна црн рекорд со бројот на починати. Денес земјата пријавила најголем дневен број на починати од коронавирусот во светот, односно 6.148 лица.
foto freepik