Таравари најави истрага откако кумановец почина од предизвикана алергија во болница

Добивај вести на Viber

32-годишниот Ведат Адеми пред два дена починал во кумановската болница, членовите на семејството велат дека му била дадена терапија која предизвикала алергиска реакција, а министерот за здравство Арбен Таравари утрово објави дека ќе има истрага за случајот.

Тој претходно дошол на преглед откако се пожалил на стомачни проблеми. Според членовите на семејството, му дале лекови на кои бил алергичен. Директорот на болницата Стефан Трајановски потврдил дека му била дадена терапија, но наместо да се подобри, имал болки во градите, по што починал. Од полицијата го потврдија случајот и соопштија дека по наредба на обвинителството телото е предадено на обдукција и се чекаат резултатите. Ведати е погребан вчера, јавува Portalb.mk.

@Ја чувствувам болката на неговиот татко, кој со свои нозе го однел синот во болница! Го разбирам неговиот револт кон докторот за кој се сомнева дека направил лекарска грешка! Наредив експертски тим од Министертвото за здравство да ги разгледа сите факти и доколку тоа се докаже, ги повикувам правосудните органи строго да го спроведуваат законот! Без никаков компромис бидејќи грешките ни ги земаат најскапоцените работи#, објави Таравари.