Телата на околу 100 алпинисти се откриени во Непал

Добивај вести на Viber

Полицијата во Непал и доброволци ги открија телата на околу 100 планинари и селани, затрупани од лавина, која падна по катастрофалниот земјотрес минатиот месец. Тие копаат во снегот и мразот со надеж да се откријат знаци од десетиците исчезнати, соопштија властите, цитирани од "Ројтерс".

Владата на Непал ги замоли странските тимови да ги завршуваат потрагата и спасувачките операции, откако надежта за откривање на живи луѓе меѓу урнатините е намалена.

"Тие можат да ја напуштат. Но ако се специјалисти за расчистување на остатоци може да останат ", изјави претставник на Министерството за внатрешни работи.

Телата на алпинистите се пронајдени во саботата и неделата во селото Лангтанг, кое се наоѓа на 60 километри северно од Катманду. Тоа е позната планинарски рута за Запад. Целото село, во кое има 55 куќи за гости за планинарите, беше исчистено од лавината.

Меѓу загинатите има најмалку седум странци. Само две од телата биле идентификувани. Не е јасно колку луѓе се наоѓале во селото Лангтанг за време на лавината, но според официјалните претставници под снегот може да се затрупани уште околу 120 луѓе.

Околу 60 лица од ЕУ се уште се водат за исчезнати по земјотресот.