Tермини за вакцинација добиле сите граѓани над 40 години во главниот град
Објавено во: Македонија, Корона Вирус 16 Мај, 2021
Сите над 40 години кои се пријавија за вакцинација во Скопје добија термини.
Првиот човек на здравството, Венко Филипче денеска информираше дека термини за вакцинација добиле сите граѓани над 40 годишна возраст од Скопје кои до 30 април се пријавиле за вакцинирање преку веб страницата vakcinacija.mk.
Објаснува дека во текот на следните три дена термин ќе добијат лицата над 40 години од останатите градови во земјава кои се пријавиле за вакцинација до крајот на минатиот месец.
Во текот на вчерашниот ден почнала вакцинацијата и на пациентите кои се на дијализа, како и пациентите со трансплантација. Тој порачува и дека имунизацијата во државата се одвива со засилено темпо, а најлесен начин да се вакцинираат луѓето е да се пријават на официјалната веб страна за пријавување.
Во земјава се намалува бројот на заболени од коронавирусот. Деновиве имаме многу повеќе оздравени од заболени.
Досега во земјата се направени вкупно 753.923 тестирања на Ковид-19.
Вкупната бројка на КОВИД-дијагностицирани лица во нашата земја од почетокот на епидемијата изнесува 154.636, бројката на оздравени пациенти е 145.606, на починати е 5.197, а бројот на активни случаи изнесува 3.833.foto freepik