Teшка сообраќајка кај Градско, има жртва
Објавено во: Македонија 11 Август, 2019
На магистралниот пат Градско-Прилеп утрово се случи тешка сообраќајна несреќа во која едно лице загина, а петмина се повредени.
Дежурен јавен обвинител од Основното јавно обвинителство Кавадарци врши увид.
Според првичните сознанија, несреќата се случила при судар на автомобил „Фолксваген голф“ со битолски регистарски ознаки и џип „Ланд Ровер“ со велешки регистарски ознаки. Загина еден од патниците во голфот, додека еден е потешко и еден полесно повреден. Со полесни повреди се здобиле и тројцата патници во џипот.