Теута Арифи, функционер, судија и адвокат добија кривични пријави
Објавено во: Македонија 05 Мај, 2022
Поранешната градоначалничка на Тетово, Теута Арифи „заработи“ кривична пријава.
Општина Тетово на чело со градоначалникот Биљал Касами поднесе кривична пријава против екс градоначалничката Арифи, како и еден функционер, судија и адвокат, поради сомнение дека ги злоупотребиле службените овластувања, со што е оштетен општинскиот буџет во износ од 68 милиони денари. Касами објасни дека се работи за случај на експропријација кој датира од 80-тите години, кога вредноста била 3 милиони денари, а повторно бил активиран во 2015 година, кога е пресметана камата.
„Вредноста на експропријацијата била три милиони денари, сега каматата за оваа сума е 65 милиони денари. Се сомневаме дека претходното раководство намерно не го обжалило решението, за кое денеска Општина Тетово плаќа камата и со тоа не само што се оштетува буџетот на општината, туку и на граѓаните“, рече Касами.
Кажа дека од добивањето на мандатот само за камати платиле над 29 милиони денари или приближно половина милион евра.