Тевдовски: Нема да се намали животниот стандард
Објавено во: Економија 05 Јануари, 2019
Драган Тевдовски, министерот за финансии, во интервју за Канал 5 рече дека нема да се намали животниот стандард на населението во 2019-та поради воведениот прогресивен данок на приход.
- Повеќе од една година го слушавме мислењето и го подигнавме прагот. Ова оданочување ќе биде социјален трансфер. Прогресивниот данок е со многу поостри стапки во многу западни земји, рамниот данок е одлика само на социјалистичките земји.
Наведе дека .поради тоа нема да има ценовни зголемувања и појава на нови црни пазари.
- Нема да има зголемување на цените, бидејќи станува збор за платен данок од само еден отсто од насеението. Нема никаква поврзаност со инфлацијата. Финансиска полиција, финансиско разузнавање, УЈП, Царинската управа направија реформи во своите редови и се подготвија да ја пресретнат даночната евација.
Растот на извозот, индустријата, платите и вработеноста, укажува дека се движиме напред, рече Тевдовски во интервјуто, сумирајќи ги резултатите од лани.
Според Тевдовски веќе е стабилизиран јавниот долг иако, како што рече, од минатата власт се оставени големи обврски за сервисирање.