ТИЕ ШТО ГО „ПРЕДАДОА“ МИЦКОСКИ, НЕМА ДА ГО ПРЕДАДАТ ГРУЕВСКИ: Имунитет или затвор?

Добивај вести на Viber

Комисијата за мандатни и имунитетски прашања на Собранието најави дека пратениците нема денеска, туку во среда ќе одлучуваат за одземање на мандатот на Никола Груевски кој на 9 ноември би требало да се јави на издржување на двегодишната казна затвор.

Барањето за одземање на мандатот на Груевски е засновано врз допис од Основниот суд Скопје, од Одделението за организиран криминал и корупција, со кое Собранието е известено дека е осуден на двегодишна затворска казна. Некогашниот премиер и екс претседател на водечката опозиција ВМРО ДПМНЕ Никола Груевски би требало затворската казна, поради набавката на луксузниот блиндиран мерцедес да ја издржува во затворот во Шутка.

Во случај Комисијата да поднесе барање за одземање на мандатот, расправата ќе биде одржана на првата наредна седница на Собранието, а одлуката се донесува со 2/3 мнозинство од вкупниот број членови.. Одлуката, судејќи по се, е неизвесна со одглед дека владеачкото мнозинство ги нема потребните 80 гласови, додека пратениците од опозицијата, кои гласаа за покренување на промени во Уставот, најавија дека нема да гласаат за одземање на мандатот на Груевски.