ТИРЗ: Нема најави за отпуштање на вработени кај странските инвеститори во ТИРЗ
Странските инвестиции во Зоните исправени пред предизвикот во справување со Ковид-19 и задржувањето на сите работни места
Објавено во: Економија, Корона Вирус 24 Март, 2020 16:03
Дирекцијата за технолошко индустриски развојни зони информира дека во моментов ниту еден странски инвеститор не најавил отпуштање на работници, ниту пак повлекување на инвестициите.
Во денешното соопштение од Дирекцијата на ТИРЗ се наведува дека во фабриките по налог на нивните централи од странство е препорачано производствениот процес привремено да запре и оти вработените се на платен годишен одмор кој ќе биде регулиран со надоместок на сите вработени.
– Во моментов ниту еден странски инвеститор не најавил отпуштање на вработените, ниту пак повлекување на инвестициите. Можно е да се пролонгираат планираните активности во зависност од условите на светскиот пазар. Неколку фабрики се очекува да бидат на поголем удар и први да го почувствуваат шокот на пазарот. Пред се тука се мисли на капацитетите што произведуваат компоненти за автомобилската индустрија за кои веќе има најава дека на глобално ниво ќе имаат прекин на производството, велат од ТИРЗ.
Додаваат дека се во постојана комуникација со претставниците на компаниите и оти сите стопански субјекти во зоните ги почитуваат мерките на Владата за спречување на ширењето на Ковид 19.
– Во духот на добрата соработка Дирекцијата на ТИРЗ како одговорна институција е координатор со првите луѓе во компаниите и заеднички даваме конструктивни предлози на тимовите на Владата за да изнајдеме начин заедно да се справуваме со економските ефекти на Ковид-19 со цел да го балансираме задржувањето на ликвидноста на компаниите и заложбата да не се намали бројот на вработените. Ова го правиме во рана фаза од кризата согледувајќи ја оваа дестабилизација на светските економски токови, нашите очекувања се дека најголемиот шок ќе настане во вториот квартал, а со наша максимална мобилизација, преструктуирање и фокусирање на проектите закрепнувањето го очекуваме да започне од третиот квартал, се истакнува во соопштението.
Претставниците на компаниите, како што се вели, ги поздравуваат напорите и мерките на Владата за да се сочува ликвидноста на фирмите и очекуваат дека сите работни места ќе бидат задржани во идентичен број до денот на прогласување на пандемијата.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ОД 11 ДЕКЕМВРИ НЕМА ПОВЕЌЕ ВОЗ НА ДЕЛНИЦАТА СКОПЈЕ-ЗЕЛЕНИКОВО: Почнува реконструкцијата на пругата
РКЕ го намали надоместокот за мрежарина за електрична енергија
ДОЦНА НАВЕЧЕР СЕ ПОТПИШУВАА РЕШЕНИЈА: Субвенции за набавка на клима уреди во Скопје
КУПИЛ ДВЕ НАПУШТЕНИ ШТИПСКИ СЕЛА: Косовски бизнисмен бара од Владата да ја гради најголемата фотоцентрала
АЛЕКСАНДАР МАНЕВ ВО „БИЗНИС-КЛУБ“: „Кадарот го создава духот на компанијата“
Венецуела го зголеми дневниот извоз на нафта во ноември
Oва се земји каде трошоците растат, а квалитетот на живот е загрозен
Хрватска е поскапа од Тоскана и Прованса, туристите се шокирани од цените
Димитриеска-Кочоска: Нема задолжување надвор од предвидените за годинава
