Тојота работи на лебдечки автомобил

Добивај вести на Viber

Тојота константно ги поместува границите на автомобилската индустрија напред.  Ја зголемија употребата на хибриди, за декември планираат возило кое ќе користи водород а сега објавија и дека работат на автомобил кој лебди.

Официјалниот претставник на Тојота, Хиројоши Јошики изјави дека компанијата ги „истражува можностите на возилата способни да лебдат над патот и технологијата која на тој начин ќе ја подобри нивната ефикасност“.

Јошики, еден од менаџерите на техничкото одделение на јапонскиот произведувач,   на самитот „Next Big Thing“  рече дека идејата за лебдечкиот автомобил ја проучува еден од најнапредните Тојотини центри за истражување и развој.

Како што пренесува „The Verge“, Јошики прецизираше дека не се работи за летачки автомобил од научно-фантастичните филмови, туку планот е возилата „само малку да се подигнат над патот“ како би се намалило триењето - нешто слично како „ hoverkraft“.

Иако целата идеја на прв пат звучи футуристички, најверојатно се работи за „подигање“ на возилото за дел од милиметарот и тоа не во моментите на забрзување, кочење или скршнување, кое секако зависи од триењето.

Јошики не сакаше да каже од кога Тојата работи на овој проект, ниту открива колку далеку отишле, а не сакаше ниту да одговори на прашањето дали воопшто разлислуваат за излегување на пазарот со оваа технологија.