01 Октомври, 2022
0.0302

ТОП 10 ЈАВНИ НАБАВКИ ВО 2021: Гас за парно, ископ на јаглен, опремување на театар

Објавено во: Економија, Анализа 03 Јануари, 2022

Добивај вести на Viber

Договорот на БЕГ преку ТЕ-ТО да купи природен гас за парно греење од 70 милиони евра на два дена пред Нова Година е најголемата јавна набавка остварена во 2021. Тендерот е склучен по сума од 4,32 милијарди денари, а за овие пари ќе се купат 38 милиони нормални кубни метри гас.

Дека цената на природниот гас во денешните околности е многу зголемена покажува и фактот што БЕГ од ТЕ-ТО на крајот од 2020 и 2019 купувал многу повеќе природен гас - 63 милиони нормални кубни метри, за многу пониски суми - 817 милиони денари, односно 1,33 милијарди денари.

На второто место е договорот помеѓу јавното претпријатие Државни патишта со градежното претпријатие Илинден Струга за 24 милиони евра. За оваа сума треба да се поврзе Кичево со Дебар и да се скрати времето за патување.

На третата позиција е сума од нешто повеќе од 23 милиони евра за внатрешно опремување на објектот во кој ќе бидат сместени новиот театар и библиотеката во Тетово. За оваа втора фаза ангажирана е НБ-Компани Доо Тетово.

На четвртото и петтото место се набавките на моноклонална биолошка и таргет терапија од Др Пановски за 22 милиони евра за две години и договорот со „Марковски компани“ кој за сума од речиси 19 милиони евра, во ек на скапа електрична енергија на надворешниот пазар, треба по оваа цена заедно со ЕСМ да пронајдат 1.450.000 тони јаглен на две локации.

На шестата позиција следува градежното претпријатие „Жикол“, кој го доби договорот од Град Скопје за изградба на три раскрсници во вредност од 1.138.612.544, односно за приближно 19 милиони евраРаскрсниците се градат помеѓу булеварите „8 Септември“ и „Никола Карев“, помеѓу „Никола Карев“ и улицата „Словенечка“, како и помеѓу „6 Септември“ и улица „Скупи“.

Во Топ-10 како договорен орган по втор пат се јавува ЕСМ со ангажирањето на „Пелистер“ за 12,8 милиони евра за ископ на јаглен во РЕК Битола. Договорот беше постигнат во јуни. Во „пакет“ во ист ден со посебни договори во јуни се ангажирани за ископ и Марковски компани и Руд-Коп. Двете компании се ангажирани кај РЕК Битола за иста сума од по 11,6 милиони евра.

И Министерството за здравство е втор пат на ранг-листата со набавката на инсулинот и преостанатите материјали за целокупното население за две години. За 12,65 милиони евра тендерот го доби Феникс Фарма.

Интересно е тоа што во Топ-10 нема место за Државната изборна комисија, која со набавката на системот за идентификација на отпечатоци од прст, склучи договор од 11 милиони евра со германски „Дермалог“. 

А.К.



Можеби ќе ве интересира

Русија престана да испраќа гас во Италија

Русија престана да испраќа гас во Италија

ЛЕБОТ, БРАШНОТО И ПЕЦИВАТА ЌЕ ПОСКАПАТ ДОПОЛНИТЕЛНИ 10 ОТСТО, Мелничарите: скапата струја и цените на берзите се превисоки

ЛЕБОТ, БРАШНОТО И ПЕЦИВАТА ЌЕ ПОСКАПАТ ДОПОЛНИТЕЛНИ 10 ОТСТО, Мелничарите: скапата струја и цените на берзите се превисоки

ФОН ДЕР ЛАЈЕН: ГАСОВОДОТ ЌЕ ДОНЕСЕ СЛОБОДА ОД РУСКАТА ЕНЕРГЕТСКА ЗАВИСНОСТ, уцената мора да престане

ФОН ДЕР ЛАЈЕН: ГАСОВОДОТ ЌЕ ДОНЕСЕ СЛОБОДА ОД РУСКАТА ЕНЕРГЕТСКА ЗАВИСНОСТ, уцената мора да престане

ЕВРОСТАТ: ЦЕНИТЕ НА ЗЕМЈОДЕЛСКИТЕ ПРОДУКТИ ПОСКАПЕА, најмногу житариците, семињата, овошјето и јајцата

ЕВРОСТАТ: ЦЕНИТЕ НА ЗЕМЈОДЕЛСКИТЕ ПРОДУКТИ ПОСКАПЕА, најмногу житариците, семињата, овошјето и јајцата

Бектеши. Ако се оствари планот на ЕСМ струјата нема да поскапи, сепак треба да се штеди

Бектеши. Ако се оствари планот на ЕСМ струјата нема да поскапи, сепак треба да се штеди

СУДОТ ДОНЕСЕ РЕШЕНИЕ, ЛИДЛ ПОВЛЕКУВА ПРОИЗВОДИ: Мора да ги уништат сите, ги тужеше позната компанија

СУДОТ ДОНЕСЕ РЕШЕНИЕ, ЛИДЛ ПОВЛЕКУВА ПРОИЗВОДИ: Мора да ги уништат сите, ги тужеше позната компанија

ЗАШТИТАТА НА ПРАВАТА НА ИНТЕЛЕКТУАЛНАТА СОПСТВЕНОСТ ВО ФОКУСОТ НА КИНА: 20 Градови до 2025 ќе прераснат во високи зони за заштита на IPR

ЗАШТИТАТА НА ПРАВАТА НА ИНТЕЛЕКТУАЛНАТА СОПСТВЕНОСТ ВО ФОКУСОТ НА КИНА: 20 Градови до 2025 ќе прераснат во високи зони за заштита на IPR

ДЕНЕСКА ПРОТЕКУВА ГАС НИЗ ГРЧКО БУГАРСКИОТ ИНТЕРКОНЕКТОР, претседателите на балканските земји на отворањето

ДЕНЕСКА ПРОТЕКУВА ГАС НИЗ ГРЧКО БУГАРСКИОТ ИНТЕРКОНЕКТОР, претседателите на балканските земји на отворањето

КРИЗНАТА СОСТОЈБА ПРОДОЛЖУВА И ВО НАРЕДНИТЕ 6 МЕСЕЦИ: Собранието изгласа продолжување на кризните состојби со струјата и парното

КРИЗНАТА СОСТОЈБА ПРОДОЛЖУВА И ВО НАРЕДНИТЕ 6 МЕСЕЦИ: Собранието изгласа продолжување на кризните состојби со струјата и парното