Топлификација блокирана за 1, 7 милиони евра, на потег е Хаџимишев!
Објавено во: Економија 26 Ноември, 2012
Долгот на Топлификација кон Макпетрол изнесува 1, 7 милиони евра, и од утре топлификацискиот систем нема да требува нови количини на мазут и гас, поради што во прашање се доведува целокупното работење. Макпетрол денеска соопшти дека од утре ќе ја прекине испораката на мазут и природен гас кон компанијата „Производство на топлина“ поради неисплатен долг од 105 милиони денари. Производство на топлина” ДООЕЛ – Скопје е фирма ќерка на „Топлификација”, управувана од групацијата кон којашто припаѓа А.Д. „ТЕ-ТО” Скопје.
- За можните последици по снабдувањето на граѓаните и стопанските субјекти со топлинска енергија ,,Макпетрол” АД Скопје нема да сноси никаква одговорност, бидејќи потегот е изнуден заради заштита на интересите на акционерите на Макпетрол АД Скопје, се наведува во соопштението.
За ваквата состојба, Макпетрол ја известил и Владата на Република Македонија, а се очекува во секој момент со став да излезе и Топлификација. Клучното прашање е како менаџментот на Топлификација ќе одговори на овој потег ако се знае дека фирмата веќе подолго време исплажаше и заостанат долг кон централата ТЕ-ТО, што практично ја доведе фирмата до ниво да не ги исплаќа навреме своите обврски.