ТОПЛОТЕН БРАН ДО КРАЈ НА АВГУСТ: Еве какво време не очекува

Добивај вести на Viber

Според она што можам моментално да го кажам и изјавам за јавноста е тоа дека барем според моменталните излези на најажурните прогностички модели (Европскиот модел ECMWF и Глобалниот модел GFS) во најголемиот дел од август месец продолжуваат топлотните бранови, односно, постојано ќе бидеме под влијание на топол воздух од југ, односно од Африка, и тоа најмалку до 20 август, а топлиот бран ќе продолжи најверојатно до околу 25 август, по што следува големо освежување на времето како и голем пад на температурите на воздухот, вели метеорологот Славчо Попоски.

„Што се однесува до времето, ќе биде претежно стабилно, суво и сончево во остатокот од овој месец, меѓутоа, повремено ќе има локален развој на краткотрајна нестабилност проследена со пороен дожд, грмежи и засилен ветер. Барем според моменталните анализи, некои озбилни врнежи не треба да очекуваме и во остатокот од овој месец.  Температурите во остатокот од месецов остануваат многу високи, па така тие речиси насекаде ќе надминуваат 30 степени, а на повеќе места тие ќе се искачуваат до околу па  и над 35 степени.

Во Повардарието температурите  и понатаму ќе се искачуваат до околу 40 степени.

Многу топлото време продолжува  и во остатокот од регионот, што значи дека топлиот бран од Африка ја зафаќа цела јужна  и југоисточна Европа. Релативно топло ќе биде  и во ноќните како и во утринските часови, а особено во Повардарието ќе имаме  и тропски ноќи, а тоа значи дека температурите не треба да се спуштат под 20 степени“, вели тој.