Топлото време носи ризици од труење со храна: Внимавајте што и како конзумирате
Објавено во: Македонија 07 Август, 2019
Деновиве земјава потпаѓа под топол бран.
Ќе биде доста жешко а температурите на места ќе се искачуваат и над 42 степени Целзиусови.
Токму поради тоа надлежните со секојднвни препораки што и како да конзумираме, бидејќи високите температури претставуваат потенцијална опасност од труење доколку навреме не се преземат мерки .
-За да се спречи појава на труење со храна, неопходно е да се направи правилен избор при нејзина набавка, да се обезбеди соодветен транспорт и услови за чување. Да се води сметка за изгледот, рокот на употреба и соодветното чување, да се купува храна од проверени места каде има услови и каде производите, особено лесно расипливите од животинско потекло се чуваат во разладни уреди.
Да се избегнува да се купува и консумира храна со оштетена амбалажа (нагмечена, надуена или напукната), разладените или замрзнатите производи да се купуваат на крајот од пазарењето, а лесно расипливата храна како што е месото, млекото јајцата и друго да не се чуваат долго време во автомобили и во други транспортни средства. Да се одбегнува купување на и разладена или замрзната лесно расиплива храна која се чува надвор од ладилник или замрзнувач-советуваат од Агенцијата за храна и ветеринарство.
Ако пак се храните во угостителски објекти тогаш внимавајте на тоа да се оператори со храна кои водат сметка за хигиената и безбедноста на храната и да имаат добра репутација. Во објектите за брза храна одбегнувајте ги додатоците кои не стојат во ладилник како што се мајонез, кечап, крем салати, сосови, преливи и слично.
Доколку сметате дека храната не е безбедна, не ризикувајте – фрлете ја!