Тошковски ги брани функционерите од ВМРО-ДПМНЕ: Овие дејствија се преземани во минатото, не се преземани денес

Објавено во: Македонија 17 Март, 2025 20:27
Панче Тошковски, министерот за внатрешни работи, во денешното гостување во „Тема на денот“, запрашан за тоа дали има осомничени актуелни функционери инсталирани од власта во инспекторатите и полицијата за трагедијата во Кочани, одговори дека се испитуваат само „акти преземени во минатото“.
Инаку новата власт започна со поставување на свои кадри во раководењето уште од јуни кога беше формирана новата Влада.
- Досега работиме на утврдување на факти од аспект на дејствија на извршување кои што се преземени или не се преземени на конкретните лиценци, дозволи, мислења, легализации. Овие дејствија се преземани во минатото, не се преземани денес и нормално е во оваа постапка да бидат насочени основите на сомнение против лицата кои што сториле или не сториле одредено дејствие што го сториле незаконито.
Сите овие дејствија кои што ги говорам се преземани годиниве наназад и затоа овие лица кои што ги имаме осомничено, или приведено, се во притвор, или по кои што постапуваме, се дел од лицата против кои што преземаме дејствија, во изминатиот период, рече Тошковски.
Министерот додаде дека ќе се преземат дејствија и против оние од денешен аспект кои што не преземале ништо, но во оваа фаза се чешла документацијата која била носена во претходни времиња.
За бградоначалникот во оставка Љупчо Папазов, кој си замина слободен од судот, рече само дека „треба да се повикаме на разум“.
Можеби ќе ве интересира
„ВО ИМЕ НА БОГА ВЕ МОЛАМ, ОСТАВЕТЕ ДА ГИ ЗАКОПАМЕ ТИЕ ДЕЧИЊА“: Еве како свештеник ги смири луѓето што протестираа во Кочани

ПОСЛЕДИЦИТЕ ОД АЗБЕСТОТ СЕ СТРАШНИ: Д-р Трајковски објасни какви се последиците откако се обзнани дека во дискотеката имало азбестен кров, а постои опасност голем број од повредените да го вдишале

ЗАВРШИ РАСПИТОТ НА ГРАДОНАЧАЛНИКОТ НА КОЧАНИ: Обвинителство објави детали

Четворица повредени пренесени во болница во Литванија

Уапсен и Горан Трајковски Штраус, поранешниот директор на ДПИ
