Трагедија во Словенија: Се сруши авион додека се прославувал роденден

Добивај вести на Viber

Полициската управа на Мурска Собота во Словенија денеска соопшти дека мал спортски авион се урнал во близина на локалното фудбалско игралиште, при што загинале три лица, пренесува СТА.

Словенечката агенција, повикувајќи се на пишувањето на локалниот портал Соботаинфо, наведува дека малиот авион се урнал во близина на селото Ганчани во североисточниот дел на Прекомурје. Од полициското одделение Мурска Собота велат дека околу пладне биле информирани за авионската несреќа.

Медиумите јавуваат дека се урнал авион „цесна“ на аеро-клубот Марибор. Во авионот требало да има четири лица, но едно од нив не се качило во авионот.

Авионот се урнал во близина на фудбалското игралиште Ганчани во општина Белтинци. Полицијата не даде информации за бројот на луѓе во авионот или за потенцијалните жртви. Полициски службеници, истражен судија и обвинител се на лице место и вршат увид на местото на несреќата.

Порталот Соботаинфо првично објави дека во авионот имало два млади парови, но подоцна се зборувало дека во авионот имало тројца млади луѓе и дека никој од нив не преживеал.

Сите тие наводно биле жители на Прекомурје, а летот требало да биде роденденски подарок за еден од нив.

Авионот полетал од аеродромот во Марибор, каде што времето било сончево, и се упатило кон Прекомурје, каде што налетал на густа магла, што се верува дека е можната причина за падот.