ТРАМП Е УПОРЕН, НЕ СЕ ОТКАЖУВА! „Америка ќе ја преземе контролата врз Гренланд, само ние можеме да им дадеме слобода, Данска не може“ (ВИДЕО)

Добивај вести на Viber

Американскиот претседател Доналд Трамп изјави дека верува оти САД ќе ја преземат контролата врз Гренланд, откако го преиспита неговиот интерес и погледот кон автономната данска територија во последните неколку недели.

„Мислам дека ќе го имаме“, им рече тој на новинарите, додавајќи дека 57.000 жители на островот „сакаат да бидат со нас“.

Неговите коментари доаѓаат по извештаите дека данската премиерка Мете Фредериксен инсистирала дека Гренланд не е на продажба во жесток телефонски разговор со американскиот претседател минатата недела.

Трамп за време на неговиот прв мандат во 2019 година ги истакна изгледите за купување на огромната арктичка територија и рече дека американската контрола врз Гренланд е „апсолутна неопходност“ за меѓународната безбедност.

- Мислам дека луѓето сакаат да бидат со нас. Не знам зошто Данска има право на тоа, но би било многу непријателски да не се дозволи тоа да се случи, бидејќи тоа е со цел да се заштити слободниот свет. Мислам дека ќе го добиеме Гренланд бидејќи тоа има врска со слободата на светот. Не можат - одговори Трамп.

Во меѓувреме, данската премиерка Мете Фредериксен изјави претходно овој месец дека „Гренланд им припаѓа на Гренланѓаните“ и дека само локалното население може да ја одреди нејзината иднина.

Фредериксен ја потврди својата позиција во 45-минутниот телефонски разговор со Трамп минатата недела, според извештајот на Фајненшл Тајмс.

Весникот цитираше анонимен европски функционер дека разговорот бил „страшен“, а друг дека интересот на Трамп за купување на Гренланд е „сериозен и потенцијално многу опасен“.

Данскиот премиер, наводно, инсистирал дека островот не е на продажба, но забележал „голем интерес“ од САД за него.

Гренланд лежи на најкратката рута од Северна Америка до Европа, што го прави стратешки важен за САД.

Во него се наоѓа и голем американски вселенски објект.

Во последниве години, има зголемен интерес за природните ресурси на Гренланд, вклучително и ископувањето на минерали од ретки земји, ураниум и железо. Иако островот има широка автономија, сепак е дел од Кралството Данска.

Во Гренланд постои општ консензус дека тој на крајот би можел да стане независен, што би можело да го отвори патот за нов вид на односи со САД. Тврдењето на Трамп дека Гренландците „сакаат да бидат со нас“ може да биде изненадување за многу жители на островот.

Капетанот на рибарски брод во населбата Каписилит изјави за Би-Би-Си дека Трамп е „добредојден да го посети“ островот, но дека „Гренланд им припаѓа на Гренланѓаните“.

Старешината на локалната црква Калерак Рингстед рече дека јазикот на Трамп „не е прифатлив“, додавајќи дека „Гренланд не е на продажба“.

Постојат неколку начини на кои Трамп би можел да ја постигне својата желба да ја добие територијата на Гренланд.

Запрашан претходно во јануари дали може да ја исклучи употребата на воена или економска сила, Трамп рече дека не може.

Неговите неодамнешни коментари испратија шокантни бранови во данскиот политички естаблишмент, предизвикувајќи набрзина договорени состаноци на високо ниво во Копенхаген претходно овој месец, јавува Би-Би-Си.