Tрансплантирана e коска од починат дарител на два прста кај 13-годишно дете

Добивај вести на Viber

Од Министерството за здравство информираа дека на Клиниката за ортопедски болести првпат е трансплантирана коска од починат дарител на два прста кај 13-годишно дете со брахидактилија. 

Извршена е трансплантација, со имплант, односно коска од починат донор, која е имплантирана на два прста кај 13 годишно дете со брахидактилија. 

Како што додаваат од Министерството, кај нас првпат е извршена ваков тип на трансплантација и детето е со уреден постоперативен тек.

„Изразувам посебна благодарност и честитки за целиот тим предводен од д-р Даница Поповска и доц.д-р Илир Шабани, како и сите здравствени работници кои учествуваа во оваа трансплантација – д-р Лилјана Ангелеска, д-р Теодора Божиновска, д-р Филип Видоевски, инструментарки Сузана Пејчиновска, Арјета Мемети, анестетичар Менка Дојчиновска, радиолошки технолог Крешник Шеху и гипсер Ирена Галевска. Ќе продолжиме со уште посилно темпо заедно со сите чинители да ја подигнуваме свесноста за овој највисок акт на човекољубие“, истакна проф.д-р Билјана Кузмановска, национален координатор за трансплантација.

Пред три години, на Клиниката за ортопедски болести во Скопје, првпат беше изведена трансплантација на лигамент од починат дарител. Тогаш 34-годишен пациент со сериозна повреда на десното колено, доби мекоткивен графт експлантиран од починат дарител.