„Треба да си навистина дрзок криминалец свесен дека во Македонија не живее правото“: Најчевска за измените на Законот за локална самоуправа

Добивај вести на Viber

Промените на Законот за локална самоуправа кои веќе се во Собрание според професорката Мирјана Најчевска се „безобразно изигрување на правото“. 

Таа истакнува дека со овој закон се изигруваат и укинуваат демократските избори на градоначалникот, но дополнително укажува дека со еднократната употреба само се придонесува кон нефункционирањето на правото во Македонија.

- Иницијативата за промена на Законот за локална самоуправа (https://www.sobranie.mk/detali-na-materijal.nspx...), со која се предлага таква промена на законот со која општините чии градоначалници беа избрани за пратеници се до наредните локални избори (кога и да се одржат тие) ќе ги предводи градоначалник кој не е избран на таа функција од страна на граѓаните е очигледно и сирово безобразно изигрување на правото.

Со други зборови, ги укинуваат непосредните, слободни, демократски избори за избор на градоначалник.

Криминалците, пардон, феудалците, пардон, функционерите во власта си решиле по скратена постапка да го променат законот за локална самоуправа и тоа за еднократна употреба.

Еднократна употреба!!!!!!

Така може секој закон да се промени за еднократна употреба за задоволување на специфичен интерес на некој од криминалците, пардон функционерите во власта.

Треба да си навистина или правен аналфабета или дрзок криминалец свесен дека во Македонија не живее правото за да излезеш со ваков предлог - укажува Најчевска.

Еве ја нејзината објава: