Три генерации со името Ема се меѓу жртвите на авионската несреќа во Франција

Добивај вести на Viber

Од убавата приградска долина во близина на Барселона, три генерации на богато семејство минатата недела тргнуваат заедно на едно забавно патување до Манчестер - 12-годишната Ема Солера Пардо, мајка и Ема Пардо Видал, и баба и 'Ема Видал Бардо.

На патот треба да го земат најмалиот брат на Ема, кој го завршува семестарот во странство, каде што го усовршува англискиот јазик. Планираат да ги разгледаат знаменитостите и потоа да се вратат дома заедно, соопштува АП.

Но, летот 9525 на Germanwings, со кој треба да стигнат до Дизелдорф, за да се префрлат кон Велика Британија, се урна во Француските Алпи. Обвинителството тврди дека вториот пилот Андреас Лубиц го заклучил пилотот надвор од пилотската кабина и свесно го свртел авионот надолу - осумнаесет минути летал до судир со земјата.

Хуан Пардо Јанез - дедо на малку Ема, татко на мајка и, и поранешен сопруг на највозрасната Ема - е речиси без зборови по враќањето од местото каде што загинаа 150 лица во Франција. Таму истражители собираат докази од урнатиот на мали парчиња авион и се обидуваат да ги идентификуваат сите жртви.

„Не постои ништо што може да се направи или да се каже за да се вратат моите три сакани дами“, вели Пардо Јанез за Асошиетед прес и други новинари надвор од кризниот центар во Барселона, создаден за роднините на жртвите.

Околу 400 пријатели и роднини на ќерката, мајката и бабата се собраа на литургија во манастирот во Сан Кугат дел Валенса, полни со тага.

Таткото на најмладата Ема - Хуан Игнасио Солера, е основач и извршен директор на iVOOX - компанија која создала популарна апликација за симнување на музика.

Ема  посетувала католичко училиште само на пет минути пешачење од станот на семејството, кој се наоѓа во комплекс, опкружен со високи ѕидови од тули. Нејзината смрт се рефлектирала исклучително тешко врз нејзините соученици, рече директорот Марија Реина Монторо која ги опишува чувствата со еден збор: „уништени“.

Тивка и срамежлива, најмладата Ема била посветена на тенисот, која редовно тренирала во клуб, раскажа Ману Навас, директор на Академијата за тенис на клубот. Мајката на Ема играла таму играла пинг понг.

„Таа не беше од натпреварувачите кои се издвојуваат, но она што ја истакнуваше, беше ставот. Таа никогаш не прифаќаше „ не“ за одговор“, опиша девојката Навас.

Пардо Јанез не сподели како ќе се опорави животот на неговото семејство по загубата на толку блиски. Но е сигурен во едно: „Ќе се вратам со деца до местото каде што сите загинаа“.