Тркало големо колку зграда од 20 ката ќе се исправи на плоштадот!

Добивај вести на Viber

Проектот за изградба на Панорамско тркало во Скопје, влегува во фаза пред реализација.  Градот Скопје треба да го обезбеди основниот проект за изградба, и одобрението за градба, а соинвеститорот кој ќе се избере на тендер ќе го гради Панорамското тркало и придружните објекти и мостови. Инвеститорот има обврска во следните 35 години да стопанисува, управува и да го одржува објектот . Градските власти следната недела, треба да ја усвојат Предлог одлуката за рсапишување на тендер за избор на соинвеститор за изградба на Панорамско тркало со придружни објекти и мостови во центарот на градот. Најмалку половина милион евра ќе чини изградбата Објаснуваат дека за моделот соинвеститорство се одлучиле бидејќи се работело за скап проект. Градот Скопје од буџетот одвои 500.000 евра, но бидејќи домашниот есап не е ист дома и надвор, дури по по завршувањето на тендерската постапка ќе се знае вкупната цена на чинење. За најдобро идејно решение за изгледот на Панорамското тркало е избрана архитектонтската фирма „ Massabni architects GmbH“, кои се автори на фасадата на хотелот „Мериот“на  плоштадот Македонија. Иидејното решение за изгледот на тркалото, не е промовирано во јавноста, но се знае дека ќе биде високо околу 60 метри, или колку една 20-катна зграда. Оваа атракција на градските власт се реализира како дел од проектот Скопје 2014.