ТРОЈЦА МЛАДИ МАКЕДОНЦИ ИСЧЕЗНАА ВО МОРЕТО НА ХАЛКИДИКИ: По роденденска прослава скокнале во морето и ги однеле брановите, во тек е голема потрага со хеликоптери и бродови
Објавено во: Македонија 09 Јули, 2022 21:05
Пристанишните
власти на Халкидики алармираат поради откривање на исчезнати капачи во морската
област Посиди.
На плажата „Мити“ пливале туристи, пренесува Екатемерини повикувајќи се на локалните медиуми.
Како што јави грчката телевизија „Скај“, исчезнатите го прославувале роденденот на забава на плажа. Тие скокнале во водата и ги однела струјата.
Крајбрежната стража била информирана од капачи кои виделе како тројцата млади момчиња ги понесле брановите и морската струја. Крајбрежната стража привела еден државјанин на Северна Македонија, додека потрагата по двајца се уште трае. Исчезнатите се на возраст од 20 и 23 години.
Мобилизацијата на властите била веднаш, а по исчезнатите
тргнале и приватни чамци.
Во спасувачката акција биле ангажирани хеликоптери и три брода на крајбрежната стража. Во ова подрачје дува ветер од 5 до 6 бофори.
„Локалните жители го избегнуваат ова место“
За среќа, еден е спасен и тој брзо бил префрлен во болница на Халкидики бидејќи проголтал многу морска вода, изјави спасувачот за ТВ ЕРТ.
Градоначалникот на Касандра за newsvit.gr вели дека тројцата мажи скокнале во водата на место кое е опасно поради морските струјата.
- Локалните жители го знаат ова место и го избегнуваат, но не и некои од туристите - рекол првиот човек на Касандра.
Во изјава за ТВ Алфа, очевидци рекоа дека „тројца мажи во морето одеднаш исчезнале од очите на останатите“. Мештаните велат дека поради северозападните ветрови, капачите не можеле да пливаат назад до брегот.
Можеби ќе ве интересира
ФАКТОР НА ДЕНОТ: Полицијата го уапси Бујар Дардишта, поранешен директор на Управата за водење на матични книги
Тошковски објасни во кои случаи полицијата ќе одзема возило
Toшковски откри кога „Безбеден град“ ќе се спроведе на целата територија на Македонија
Орце Ѓорѓиевски: Со едногласна одлука, реизбран сум за претседател на ЗЕЛС
ИЈЗ: Кога квалитетот на воздухот е лош – заштитете го вашето здравје!
СДСМ ИЗГУБИ НА СУД ОД МИЦКОСКИ: Апелација пресуди дека изнесувале невистини и клевети против него
ПОВЕЌЕТО ОД ОСУДЕНИТЕ ЗА 27 АПРИЛ, ДОБИЛЕ УСЛОВЕН ОТПУСТ: Издржале повеќе од две третини од казните
Европското знаење го применува дома: Милијана Богданоска праќа големи пораки преку еко начинот на живот




