22 Август, 2019
0.0187

Трпеновски: Фрлена силна сенка врз СЈО, ова е пораз за сите нас

Објавено во: Македонија 16 Јули, 2019

Дури и како личен пораз. Така ги доживуваат дел од лицата во правосудниот систем последните случувања околу Специјалното јавно обвинителство. Поранешниот прв човек на Јавното обвинителство на Македонија Јован Трпеновски во изјава за Фактор го потврдува овој впечаток и вели дека тоа што Катица Јанева на некаков начин се поврзува со случајот кој вчера беше обелоденет фрла огромна сенка врз работата на ова обвинителство, орган во кој сите веруваа.

„Во последно време СЈО нема таков авторитет како што имаше затоа што се создаде впечаток дека поради неговите истраги ќе завладее законот и дека ќе има правда, а тоа баш не се случи. Последниот случај по сето што се случуваше во последно време во врска со тие предмети кои ги отвори СЈО е сепак едно големо разочарување. Беа изнесувани информации дека има селективност и порано и јас тоа го земав со резерва, затоа што како се одвиваат истрагите знаат обвинителите и судиите. Ова последново е сосем друго и фрла сенка кон сето СЈО, вели Трпеновски.

Тој е категоричен дека кривичните дела се исклучиво индивидуална одговорност и дека за сторен кривичен прекршок секој одговара сам, но вели дека кога има вакви случаи како овој со Јанева секој оправдано креира став за дека целата институција е разнишана.

„Секој што ќе стори кривично дело треба да сноси поединечна одговорност. Но тој орган е одговорен за правда. Мора да сме прецизни. Иако треба да го гледаме случајот со еден обвинител одвоено, но лично морам да кажам дека жалам што излезе вака. Бевме како и повеќето поддржувачи за тоа обвинителство и некако и мене лично ми е пораз, вели Трпеновски.

Дециден е дека Македонија не покажа политичка зрелост за енергична битка и смета оти СЈО на некаков начин беше злоупотребено од една политичка партија.

А.Т.


Можеби ќе ве интересира

Заев побара пратениците веднаш да го донесат новиот Закон за јавно обвинителство

Заев побара пратениците веднаш да го донесат новиот Закон за јавно обвинителство

Заев со еден од предложените кадри дава простор и на бошњачката заедница

Заев со еден од предложените кадри дава простор и на бошњачката заедница

Заев по ЦО на СДСМ порача: Верувам дека нема грешки кај високи функционери на СДСМ

Заев по ЦО на СДСМ порача: Верувам дека нема грешки кај високи функционери на СДСМ

ФОКУС НА ДЕНОТ: По погребот во Гевгелија, Јанева останува во Шутка, за Заев СЈО е обезглавено

ФОКУС НА ДЕНОТ: По погребот во Гевгелија, Јанева останува во Шутка, за Заев СЈО е обезглавено

Жалбата е отфрлена, Јанева останува во затворот Шутка

Жалбата е отфрлена, Јанева останува во затворот Шутка

Во Тетово запленета голема количина марихуана

Во Тетово запленета голема количина марихуана

ПОЖАРИ: Гори во Гостивар, во Дебар изгоре штала и добиток , во Кратово повредена жена

ПОЖАРИ: Гори во Гостивар, во Дебар изгоре штала и добиток , во Кратово повредена жена

На Централниот одбор на СДСМ ќе се расправа и за „Рекет“

На Централниот одбор на СДСМ ќе се расправа и за „Рекет“

Голем пожар кај ветерниците во Богданци

Голем пожар кај ветерниците во Богданци