„Труст“ : СЈО открива како со фалсификувана документација се добивале тендери

Добивај вести на Viber

Труст е новата истрага на СЈО.

Обвинителката Фатиме Фетаи, вели дека со фалсификувана документација е добиен тендер и ансекс со што се заработени незаконски 1.6 милијарда денари.

Се работи за јавна набавка за ископување во Суводол. Има три разговори во кои се открива дека имало незаконски дејствија. Три лица свесно ги повредиле постапките за јавна набавка.

Доставена била невистинита  документација за сопственоста на механизацијата. Имало фактури и договори за наводно купена механизација и договори за лизинг. Осомничени се три физички и три правни лица. 

Од СЈО информираа денеска на прес-конференција дека за секоја повреда на законите која се однесува на јавната обвинителка Катица Јанева и другите обвинители, ќе поднесат тужби и ќе бараат казни согласно закон.

„Иако сме овластени тужители кои ги бранат интересите на граѓаните на РМ, од одредени функционери и функционери во институции, не го почитуваат законот и не ја почитуваат оваа институција и ќе се спротивставиме. Ние ќе продолжиме да работиме професионално“ – изјави  обвинителката Катица Јанева.

Истрагата за Титаник е проширена за 17 лица, а има и повеќе кривични дела. Вмешани се лица од власта, и лица кои се вработени во државни институции.

Ова произлегло од преслушаните фајлови.