Цвета работата на црно во регионот

Добивај вести на Viber

Во сите земји во југоисточна Европа работењето на црно е во пораст, покажува најновото истражување на Меѓународната организација за работа (International Labour Organization – ILO).  Високото учество на нерегуларното вработување во вкупниот број вработени , спрема податоците на ILO-a, сеуште е еден од главните предизвици на регионалниот пазар на работа, јавуваат од агенцијата Анадолија. Во извештајот наречен „Глобални трендови за вработување во 2013“ се наведува како бројот на работници на црно е зголемен во сите земји на регионот, а најмногу во Хрватска, Албанија и на Косово. Нерегуларното вработување во вкупната вработеност во Албанија и во Косово од 2000 до 2010 година од 30 зголемено на 35 проценти, додека во Хрватска е забележан пораст од 31 на 33 проценти. Во останатите земји на регионот, учеството на работата на црно во вкупната вработеност е, покрај порастот, сепак на пониско ниво во Хрватска,Албанија и во Косово. Така во Црна Гора и Србија е забележан пораст на бројот на вработени на црно од 17 на 19 проценти, во Македонија од 20 на 21  процент, додека во Босна и Херцеговина тој процент од 20 е зголемен на 23 проценти. Извештајот „Глобални трендови на вработување во 2013 година“ открива дека потрошувачката класа во регионот на југоисточна Европа е во пораст и дека помеѓу 1999 и 2012 година, бројот на работници кои живеат во домаќинства во кои дневно се троши од четири долари по член од семејството е зголемен за 25 проценти. Во моментот, 4.6 проценти од работници во регионот припаѓа во категоријата екстремно и умерено сиромашни, бидејќи живеат во домаќинства во кои секој член на семејството дневно троши помалку од два долари.