Туристичкиот центар на Македонија ќе добие Автобуска станица каква што заслужува

Добивај вести на Viber

Автобуска станица и катна гаража наскоро ќе добие најтуристичкиот град во земјава. Катната гаража ќе биде изградена на просторот од сегашниот паркинг во градскиот пазар на површина од околу 1.300 метри квадратни. Таа ќе има пет ката и 320 места за паркирање. Со нејзината изградба ќе се регулира сообраќајот во централното градско подрачје но и ќе се зголеми општата безбедност. - Во централното градско подрачје во моментов имаме 1.450 паркинг места и со овие 320 ќе се зголеми  бројот на паркинг-места во градот. Ќе се изгради модерна катна гаража која пред се ќе значи намалување на сообраќајните прекршоци во тој дел од градот, а со тоа и зголемена општа безбедност, вели Зоран Шикалоски oд одделението за сообраќај во Општина Охрид. Современата катна гаража ќе биде опремена и со нагледни средства и се планира да биде изградена по пат на јавно приватно партнерство.Општина Охрид деновиве конечно ја отпочна постапката за изградба и на современа автобуска станица. И автобуската и катната гаража,  како што информираат од локалната самоуправа ќе бидат изградени по пат на јавно приватно партнерство. Општината ќе влезе во ова приватно партнерство со земјиштето, комуналиите и пропратната инфраструктура, додека јавниот партнер ќе влезе со изградба и бенефитот ќе го имаат како општината така и јавниот партнер и граѓаните, изјави Зоран Шикалоски.