Уапсена поранешната прва дама на Франција!

Добивај вести на Viber

Поранешната прва дама на Франција Валери Триервилер била одведена во полицијата откако удрила шлаканица на млад човек кој ја запрел на улица со прашањето: „Како е Франсоа?“

Инцидентот се случил во XV област на Париз, откако поранешната дама на претседателот Франсоа Оланд беше запрена на улица од младиот опозициски политичар Мохамед Ризки (33) со прашање како се чувствува претседателот. Во полицијата Триервилер објаснила дека младиот човек и поставил прашањето со „нагласено надразнување на тонот“ и откако таа го замолила со убаво да и се извини тој не го сторил, а таа му залепила шамар.

Малку подоцна Мохамед Ризки се пожалил во полицијата дека бил малтретиран на улица и затоа било потребно Триервилер да биде одведена во полицијата за расчистување на инцидентот.

Ова е втор случај во последните шест месеци, во кој поранешната прва дама се замешува во скандали на улица. Во септември таа ја удрила во лицето поранешната сопруга на министерот за финансии, Мишел Сапен - Валери де Сенвил, откако таа си дозволила да ја критикува автобиографската книга на Триервилер.

50-годишната поранешна прва дама на Франција беше наречена „Ротвајлер“ поради остриот карактер. Нејзината долгогодишна врска со Франсоа Оланд заврши во јануари минатата година, кога списанието „Closer“ ја откри аферата на претседателот со актерката Џулиен Гаести.