УАПСЕНИ 10 ЛИЦА ОД ЦЕЛА МАКЕДОНИЈА - МВР ги товари за трговија со дрога
Објавено во: Македонија 02 Март, 2024 13:47
Одделот за сузбивање на организиран и сериозен криминал - Сектор за криминалистички истраги - Единица за недозволена трговија со дрога при Бирото за јавна безбедност, спроведе координирана полициска операција со цел сузбивање на организирана криминална група која делувала на неколку локации на територијата на Република Северна Македонија. Групата била инволвирана во организирање, набавка, продажба и пуштање во промет на марихуана, соопштуваат од МВР.
- Имено, од октомври 2023 година кога започна акцијата преземени се повеќе оперативно-тактички мерки и активности за сузбивање на групата. Денеска, полициските службеници од слобода лишиле 10 лица, од кои четири од Гевгелија, три од Струмица, две од Струга и едно лице од Демир Капија. Притоа, извршени се претреси на четири локации во Струмица, Струга, Гевгелија и Битола и обезбедени се материјални докази, односно пари и поголема количина на наркотична дрога која потекнува од правен субјект регистриран за извршување на дејност одгледување на зачински, ароматични и лековити растенија наменети за медицински цели - се наведува во нивното соопштение.
Приведените лица ќе бидат изнесени пред судија на претходна постапка, пронајдената дрога ќе биде дадена на вештачење, а по целосно документирање на случајот, во координација со јавен обвинител, ќе биде поднесена кривична пријава по член 215 став 3 од Кривичниот законик - „неовластено производство и пуштање во промет наркотични дроги, психотропни супстанци и прекурсори”.
Можеби ќе ве интересира
„МОЖЕВ ДА УЦЕНУВАМ МИЛЈАРДЕРИ СО ФЕРАРИ“: еве го тврдењето на Палевски за обвинението - го поврзува со голем скандал со перење пари во Македонија
Советничка на ВМРО-ДПМНЕ си даде оставка во општина Кочани: Се залетаа за функции, се грижеа само за своите интереси
ПОГОЛЕМИОТ ДЕЛ ОД ПОВРЕДЕНИТЕ ВО КОЧАНИ СЕ ЕКСТУБИРАНИ И ЧЕКААТ ОПЕРАЦИИ, НО ДВАЈЦА СЀ УШТЕ СЕ КРИТИЧНИ - Таравари со најнови информации
ОЈО БАРА МЕРКИ ЗА ПРЕТПАЗЛИВОСТ ЗА ПОСЛЕДНИОТ 19 ОСОМНИЧЕН - Обвинителството со нови детали
Полиција трага по исчезнат пензиониран планинар во Велес
„Ќе направиме сѐ што ќе побарате, само пуштете ја“: Александар Ѓорчевски денеска одговараше на прашања на судијата
