УДАР ЗА ЕКОНОМИЈАТА: Кризата која ја предизвикаа Хутите ќе донесе поскапувања

Добивај вести на Viber

Поради нападите на Хутите, во Суецкиот канал има намалување на сообраќајот за 39 отсто. 

Падот е во последните два месеци, а обемот на транспортираниот товар е намален за 45 отсто откако транспортот беше пренасочен поради нападите на јеменските бунтовници Хути врз трговските бродови во Црвеното Море.

Конференцијата на Обединетите нации за трговија и развој (УНКТАД) соопшти дека во неделата од 12 до 19 јануари преку Суецкиот канал бил превезен 82 отсто помалку товар во споредба со декември. УНКТАД, кој ги поддржува земјите во развој во глобалната трговија, предупреди дека товарните бродови на долги релации ризикуваат да ја зголемат инфлацијата, несигурноста на храната и зголемените емисии на стакленички гасови.

Шефот за трговска логистика на УНКТАД, Јан Хофман, во четвртокот објасни дека ефектите од повисоките трошоци за транспорт на стоки ќе се видат во цените на продавниците за околу една година.

Хофман изјави дека сега се нарушени три клучни глобални трговски патишта, вклучително и транспортот на жито и нафта поради руската инвазија на Украина, Панамскиот канал поради сушата и инвазијата на Хутите.

Обиколните рути кои транспортерите се приморани да ги употребуваат резултираат со одолговлекување на транзитот, како и зголемување на трошоците и емисијата на штетни гасови. 

САД и Британија веќе изведоа напади на позициите на Хутите. Инаку, Хутите вршат напади поради акцијата на Израел во Газа.