УЈП затвори 20 објекти во Гостивар и Тетово

Добивај вести на Viber

Поради прекршување одредби од законот за регистрирање на готовинските плаќања и Законот за заштита од пушење, УЈП и Пазарниот инспекторат вчера попладне ја продолжија својата акција и затворија и казнија 20 субјекти во Тетово и Гостивар. -Таргетна контрола беше ставена на почитување на Законот за заштита од пушење. Се добива впечаток дека имаме селективен пристап и законот секаде не се почитува како треба. Во таа насока ќе ги засилиме активностите. Веќе нема да може да се пуши онаму каде што со Закон е забрането, а контролите во континуитет ќе ги спроведуваме, изјавила за „Курир“, директорката на пазарниот инспекторат, Елизабета Чингароска. Фирмите кои постапиле спротивно на Законот за регистрирање на готовинските плаќања, заработија парична глоба која се движи до 3.250 евра во денарска противредност, и времена мерка за забрана на вршење дејност од 15 до 30 дена. Од УЈП и Пазарниот инспекторат најавуваат дека и во следните денови ќе продолжат активностите.