31 Мај, 2024
0.0294

Украинската криза ќе ги вивне до плафон цените на вештачките губрива

Објавено во: Економија, Агробизнис 03 Март, 2022

Добивај вести на Viber

Војната во Украина ќе ги зголеми цените на вештачките ѓубрива, кои се неопходни за земјоделското производство.

Во македонските земјоделски аптеки се продаваат грчки, бугарски, унгарски, хрватски ѓубрива, но за нив суровини се набавуваат од Русија. Оваа земја е позната по извозот на ѓубрива со амониум нитрат. Санкциите воведени за Русија поради војната во Украина, ќе удрат и по „џебот“ на македонските земјоделци. Од земјоделските аптеки велат дека ѓубривата кои се продавале по 400 денари, сега чинат 1.200 денари.

„Русија е една од најголемите, ако не и најголем извозник на амониум нитрат во светот. Кризата во Украина ќе има многу големо влијание врз нас. Без ѓубрива не може да успее ни пченица, ниту ништо друго. Зелката од струмичко се извезуваше во Украина, но сега е можно производството да пропадне“, велат од струмичка земјоделска аптека.

Но, сопстевниците на земјоделските аптеки нагласуваат дека и цените на енергенсите ќе придонесат за покачување на цените на ѓубривата. Дополнително, за производство на ѓубривата е потребен и квалитетниот белоруски калиум, а Белорусија се вмеша во војната со тоа што од нејзина територија беа гаѓани цели во Украина, и за неа ЕУ воведе санкции.

„Очекувам дека за 50 отсто ќе скокнат цените на ѓубривата, а кога тоа ќе се случи, зависи од тоа кога војната ќе заврши. За земјоделците ќе биде многу тешко, и ќе заработи само тој што ќе има пари да вложи“, додаваат од друга земјоделска аптека во Струмица.

Ристо Велков од Синдикатот на земјоделците од струмичкиот регион вели дека и оваа година ќе биде тешка за земјоделците.

„Првиот проблем со кој ќе се соочат земјоделците ќе бидат климатските промени, втор проблем ќе бидат азотните ѓубрива, трет проблем најверојатно ќе има потешкотии со пласманот поради војната во Украина, и четврт проблем е тоа што површините ќе се намалат. Две години за сите стопански гранки имаше мерки поради ковид. Раноградинарите имаат многу трошоци за производство. Државата треба да си преземе мерки, да излезе во пресрет и почесто да има средби со земјоделците“, рече Велков.

Пред извесно време, земјоделците се жалеа на скапи репроматеријали, а новото поскапување за нив ќе биде неиздржливо.

Откако Русија почна инвазија на Украина, САД и ЕУ против неа воведоа серија санкции.

Дипломатите на Европската Унија одобрија нови санкции против Белорусија поради нејзината поддршка во руската инвазија на Украина. Санкциите особено ќе влијаат на некои економски сектори, оние поврзани со дрвото, челикот и калиумот.

Сања Атанасовска

foto freepik.com

Можеби ќе ве интересира

ФАКТОР ИСТРАЖУВА: Сватовите на Али Ахмети со најголеми добивки од бизнисите во Кичево

ФАКТОР ИСТРАЖУВА: Сватовите на Али Ахмети со најголеми добивки од бизнисите во Кичево

ЗЛАТНАТА КОКОШКА НА ФАРМАЦЕВТСКАТА ИНДУСТРИЈА - продажбата на овие лекови ќе надмине 150 милијарди долари

ЗЛАТНАТА КОКОШКА НА ФАРМАЦЕВТСКАТА ИНДУСТРИЈА - продажбата на овие лекови ќе надмине 150 милијарди долари

На спектакуларен настан, „Тиквеш“ ги претстави вината од брендот „Луда Мара“

На спектакуларен настан, „Тиквеш“ ги претстави вината од брендот „Луда Мара“

ШТО Е ПРИОРИТЕТ: „Хотели Метропол“ намени за инвестиции најголем дел од добивката, 415 илјади евра

ШТО Е ПРИОРИТЕТ: „Хотели Метропол“ намени за инвестиции најголем дел од добивката, 415 илјади евра

АДСПД СТОПАНИСУВА СО 1.171 ОБЈЕКТИ И ОД НИВ 51 ПРОЦЕНТ НЕ Е ИЗДАДЕН ПОД ЗАКУП: Ревизија излезе со извештај за стопанисувањето со станбен и деловен простор

АДСПД СТОПАНИСУВА СО 1.171 ОБЈЕКТИ И ОД НИВ 51 ПРОЦЕНТ НЕ Е ИЗДАДЕН ПОД ЗАКУП: Ревизија излезе со извештај за стопанисувањето со станбен и деловен простор

КАКО СВЕТОТ ЗАПАДНА ВО ДОЛГ ОД 315 ТРИЛИОНИ ДОЛАРИ? Секој од нас должи 39.000 долари

КАКО СВЕТОТ ЗАПАДНА ВО ДОЛГ ОД 315 ТРИЛИОНИ ДОЛАРИ? Секој од нас должи 39.000 долари

НОВОГОДИШНИ БОНУСИ, ВИСОК К15, ДЕЛ ОД ДОБИВКА НА СМЕТКА - која е компанијата што има олку среќни вработени, а има и богати награди за менаџерите

НОВОГОДИШНИ БОНУСИ, ВИСОК К15, ДЕЛ ОД ДОБИВКА НА СМЕТКА - која е компанијата што има олку среќни вработени, а има и богати награди за менаџерите

ЕВРОПА ВРБУВА 11 МИЛИОНИ ТУРИСТИЧКИ РАБОТНИЦИ - сепак, платите не се доволни, па имаат и втора дејност

ЕВРОПА ВРБУВА 11 МИЛИОНИ ТУРИСТИЧКИ РАБОТНИЦИ - сепак, платите не се доволни, па имаат и втора дејност

ЕВЕ КАКО СЕ ПРОДАВАА НАЈГОЛЕМИТЕ ЈУГОСЛОВЕНСКИ ГИГАНТИ НА БАЛКАНОТ: Прво беше подготвен теренот со светските сили

ЕВЕ КАКО СЕ ПРОДАВАА НАЈГОЛЕМИТЕ ЈУГОСЛОВЕНСКИ ГИГАНТИ НА БАЛКАНОТ: Прво беше подготвен теренот со светските сили