Украинската војска го стегна обрачот кај Доњецк
Објавено во: Свет 19 Август, 2014 18:24
Украинската војска го завзеде најголемиот дел од градот Иловајск, кај Доњецк, со што го стегна обрачот околу клучното жариште на проруските бунтовници на истокот од Украина, соопштија денеска официјални лица од владата на Киев.
Министерот за внатрешни работи Арсен Аваков наведе на својот фејсбук профил дека еден војник е загинат, а дека четворица се ранети, кога единицата на доброволците е нападната на влезот во тој град.
Командантот на баталјонот на Доњецката област Семион Семенченко, кој исто така е ранет во тој напад, рекол дека владините сили уништиле три контролни пункта на проруските сепаратисти и четири позиции за напади, а дека судирите уште траат.
Украинската војска своите напори ги фокусираше во последно време на обиколување на Доњецк, најголемиот град кој го контролираат бунтовниците.
Судирите се одвиваат и на улиците во Луганск, а украинските сили денеска најавија дека освоиле една четвртина во тој град.
Можеби ќе ве интересира
САД даваат безбедносни гаранции за Украина, но нема договор за територијални отстапки
Украина добива гаранции од САД слични на Член 5 од НАТО?
(ВИДЕО) Мароко брои жртви, по седум години суша се борат со поплави
(ВИДЕО) Украина тврди дека со подводни дронови погодила руска подморница
Мерц го спореди Путин со Хитлер: „Тој нема да застане“
Терористот од Сиднеј бил член на српски ловечки клуб: „Не сум го видел повеќе години...“
Дали повлекувањето на Украина од НАТО ќе го промени текот на мировните преговори?
Татко и син извршија масакр на плажа во Сиднеј, убиени 16 лица
