Улицата „Трета Македонска Бригада“- нов булевар во Аеродром

Добивај вести на Viber

Во булевар ќе биде проширена улицата Трета Македонска Бригада. Должината на булеварот ќе биде 2100 метри, а изгрдабата се очекува да заврши до крајот на годинава. Булеварот ќе продолжи се до гимназијата “Раде Јовчевски – Корчагин“ и ќе овозможи поврзување на општината Аеродром со општина Центар. -Градот Скопје планира да изгради по два до три влезови и излези од секоја општина до општина Центар. Покрај изградбата на овој булевар се планира и изградба на нов булевар „Борис Кидрич“ кој треба да се поврзе со булеварот “Трета Македонска Бригада“, а изградбата на овој булевар ќе започне наредната година, рече денеска Градоначалникот на Скопје Коце Трајановски. Веќе се обезбедени средставата во буџетот, а изградбата на булеварот ќе се врши во неколку фази поради разрешување на имотно-правните односи. Булеварот ќе има четри ленти, зеленило во средишниот дел, ново осветлување и нова атмосферска канализација. Според Градоначалникот на општина Аеродром, Ивица Коневски, изградбата на овој булевар ќе биде решение за сообраќајниот метеж во овој дел на општината. Со изградбата на овој булевар општина Аеродром, покрај булеварот Јане Сандански ќе добие уште еден булевар.