УНИ Банка двојно ја зголеми добивката во 2012 та година

Добивај вести на Viber

УНИ Банка во 2012  ја дуплираше добивката во однос на претходната година. 93-те милиони денари кои ги регистрираше ова банка как чиста добивка на крајот од минатата година пред се се должат на намалените загуби , односно ослободувањето на средствата наменети за кредити со лоши пласмани. Имено на име оштетување на средства кај дадени кредити и вложувања банката регистрираше заштета од 31 %, односно банката ослободи 34.77 милиони денари, што веднаш позитивно се рефлектираше врз крајниот резултат од работењето на оваа финансиска институција. УНИБанка во 2012 регистрираше и  зголемување на приходите по основ на каматни стапки за 8%, како и зголемување на приходите од дивиденди за 5 пати односно овој износ од 163 илјади во 2011 е зголемен на 2 милиони и 83 илјади денари во 2012. Доколку се погледне билансот на состојба може да се констатира дека активата на УНИ Банка воо 2012 година пораснала за 6% или 1 милијарда и 119 милиони денари , што значи зголемување на инвестиционата активност. Во исто време се регистрира и зголемување на акционерскиот капитал за 9% во износ од 1 милијарда и 79 милиони денари што секако упатува на заклучокот дека банката и оваа година планира зголемување на влијанието на финансискиот пазар.