УРИВААТ РЕКОРДИ СО БРОЈОТ НА ЗАБОЛЕНИ: Германците трупаат залихи на храна

Добивај вести на Viber

Во Германија има рекорден број на новозаразени со коронавирусот, а граѓаните прават залихи. 

Продажбата на брашно се зголемила за 101 отсто од нивото пред кризата во последната недела од октомври, а на квасецот и шеќерот пораснала за 74, односно 63 отсто.

Пред новото национално затворање, кое стапи на сила во понеделникот, граѓаните купуваа тоалетна хартија, средства за дезинфекција на раце и намирници, пренесува „Ројтерс“.

Продажбата на тоалетна хартија минатата недела била за 139 отсто поголема отколку во периодот меѓу август 2019 година и јануари 2020 година, објави Централното биро за статистика.

Купувањето на дезинфициенси постојано се зголемува во последните неколку недели, што е за 104 отсто повеќе од нивоата пред значајниот пораст на нови инфекции во последната недела од октомври, но беа пониски отколку за време на првото заклучување во пролетта, кога продажбата се зголеми за осум пати.

Институтот „Роберт Кох“ (РКИ), објави дека за 24 часа во Германија се регистрирани 19.990 нови инфекции, најмногу од почетокот на пандемијата.

Истата слика со купување на намирници и метеж пред маркети, ја имавме и во Македонија пред почеток на секој карантин.