Уште една катна гаража во главниот град
Објавено во: Македонија 17 Октомври, 2012
Уште една катна гаража во главниот град, ќе се гради веднаш до „Халк банка“ кај „Нова Македонија“. Центар не открива каков ќе биде изгледот а, единствено информираат дека станува збор за седумкатен објект, кој ќе се наоѓа в. И оваа катна гаража ќе ја градат на кредит, а пари ќе трошат и од тековниот буџет. Вкупната површина на објектот е 7.190 квадратни метри од кои 6.112 квадрати се наменети за паркинг, а остатокот ќе бидат деловни простории. Објектот ќе има седум ката и капацитет за паркирање на 190 возила.
Колкава е проценетата вредност на објектот и кога ќе почне да се гради, општинарите не прецизираат. Посочуваат дека сумата ќе зависи од добиените понуди на тендерот за избор на изведувач, кој е во тек. Планираната катна гаража кај „Нова Македонија“ ќе биде деветта по ред што се гради во централното подрачје.