Добивај вести на Viber
Новите законски правила за работа во админисррацијата поминаа во Собранието. Од владеачкото мнозинство сметаат дека измените во законите за вработените во јавниот сектор и за административни службеници ќе придонесат за суштинска реформа на јавната администрација, за нејзина професионализација и ефикасност.
Наспроти ова, опозицијата оцени дека законите се носат нетранспарентно, во предвечерие на можни предвремени парламентарни избори, дека ќе го ограничат пристапот на граѓаните до работните места во јавната администрација поради бројните сертификати кои ќе им се бараат на јавните огласи и дека не нудат стратегија за реформа на јавната администрација.
Според заменик министерот за информатичко општетство и администрација Марта Арсовска Томовска, со двaта закона ќе се изврши унификација на основните постулати на статусот на сите вработени во јавниот сектор преку модерни методи кои се користат во современите јавни администрации и модерен начин на управување со човечките ресурси.
„Само со поквалитетна и попрофесионална јавна администрација ќе успееме да ја придвижиме уште повеќе македонската економија да стане поконкурентна и да овозможиме поефикасни и поквалитетни јавни услуги за граѓаните“, рече Арсовска Томовска.
Ана Павловска Данева од СДСМ побара да не се поддржува овој закон, бидејќи никаде не се обелоденува бројот на јавната администрација.Таа, меѓу другото, ја оспори и одредбата со која за сите административци и на оние со средно образование, им се наметнува обврска за полагање на ТОЕФЛ тест за познавање англиски јазик, а кое треба сами да го платат. Ваквата обврска, вели, чини повеќе од 800 денари со колку што се калкулира во Министерството за информатичко општество. Павловска Данева праша и како ќе се оценуваат оние административци кои седат дома, а примаат плата.
„Законот има 116 члена, а има поднесено 105 амандмани од кои голем дел од владеачкото мнозинство што говори дека набрзина бил донесен, и дека дел од амандманите биле поднесени заради негово усогласување со Уставот“, рече Павловска Данева.
Беким Ќоку од ДПА рече дека нема да го подджат законот на кој поднеле 40 амандмани, бидејќи не е во интерес на Албанците и не овозможува комуникација со странките на албански јазик