Утре е “баксуз“ ден, нема штрајк на лекарите; Веќе во четврток тргнуваат во поход!

Добивај вести на Viber

Лекарите на штрајк, пациентите во паника. Веќе дванаесеттти ден здравстените институции работат со намален капацитет. Се преземаат само итните случаи, другите интервенции се одложуваат за после штрајкот. Синдикатот на клинички Центар и специјалистите од македонските здравствени установи, не се откажуваат од своите барања, корекција на платите и донесување на адекватен модел за плаќање по успешност. „Продолжуваме со штрајкот, но и денеска сме изгледа невидливи. Утре нема да излегуваме бидејќи е празник и бидејќи е тринаесетти ден, па ќе го прескокнеме. Штрајкот тече по предвидениот тек, но се игнорира и понатаму“,  изјави Дејан Ставриќ, преседател на Самстојниот синдикат на Клинички Центар. За да биде иронијата поголема, ресорниот министер Никола Тодоров, официјално не признава дека се соошува со штрајк во здравството. Сепак, реши да преговара. Но не со оние кои штрајкуваат,  туку со другиот гранков синдикат за здравство „Самостојниот синдикат за здравство, фармација и социјална заштита“. Тие со Министерот седнале на преговарачката маса каде било ставено плаќањето по учинок и корекцијата на коефициентите за лекарите, но како што посочуваат од гранковиот синдикат, побарале корекција и на коефициентите за сите вработени во здравството. Во меѓувреме, поранешниот заменик-министер за здравство Владимир Лазаревик прашува кој профитира од штрајкот на лекарите. Според него, со намалувањето на услугите за пациентите се намалуваат и трошоците во државните здравствени установи, кои се презадолжени. Иако вака се намалуваат трошоците во државното здравство, расте трошокот за пациентите кои чаре бараат во приватните болници. Од Синдикатот на Клинички изјавија дека во четврток и петок ќе ги посетат канцелариите на претседателот, премиерот и собранискиот спикер и ќе им ги соопштат своите барања во услови кога не ги прима министерот Тодоров. „Ќе им бидат врачени барања за прием и соодветни подароци“, истакна Ставриќ.