УТРЕ ПОЧНУВА НАЈГОЛЕМАТА СТАТИСТИЧКА ОПЕРАЦИЈА - две третини од попишувачите се вакцинирани, властите апелираат - пуштете ги
Објавено во: Македонија 04 Септември, 2021
По 20 години без да знаеме колку сме и какви сме, утре конечно започнува пописот. Ова следува откако во земјава веќе имаше еден пропаднат попис.
Апостол Симовски, директор на ДЗС, вели дека за пописот се е подготвено. Ќе се почитуваат сите безбедносни протоколи.
Симевски денеска во разговор за медиумите апелираше до граѓаните да ги примат попишувачите. Според него, две третини од пријавените попишувачи се вакцинирани.
„Таму каде што граѓаните ќе инсистираат да бидат попишани од страна на вакциниран попишувач тоа ќе се случи. Техниката и начинот зависи од тоа каде и кога се побарало и ние ќе го обезбедиме тоа. Се разбира, нема да биде истиот момент, но ќе се договориме со тоа домаќинско кога и во кое време им одговара да дојде лицето кое е вакцинирано да ги попише“, вели Симовски.
Но што со оние граѓани кои се заболени или пак се во изолација. Симовски вели, сите информации ќе ги добиваат од Министерството за здравство.
„Министерството за здравство ќе ни доставува списоци на дневна основа каде има заболени лица и каде има лица во изолација. Нашата намера е да почекаме ако за тоа има можност да излезат овие лица од изолација и тогаш да го спроведеме попишувањето и тоа да биде најбезбедно и за самиот попишувач. Меѓутоа ако не постојат услови за вакво нешто тогаш имаме посебни протоколи како да се постапува во попишувањето“, рече Симовски.
Заменик директорот на ДЗС Илми Селами апелираше и до граѓаните да ги почитуваат пропишаните мерки.
На пописот, за прв пат, освенн прибирање на податоци директно од граѓаните, ќе се користат и податоци од таканаречената претпописна база каде со внесување на матичниот број на граѓанинот автоматски се добиваат податоци на граѓаните.
Пописната операција треба да трае 25 дена, или до 30 август.
Можеби ќе ве интересира
ПРЕСТРЕЛКА ВО ЧАИР, МАЖ ИМА ЧЕТИРИ ПРОСТРЕЛНИ РАНИ: Пукано е од автомобил
И ДОЖД И ВЕТЕР, НО ТЕМПЕРАТУРИТЕ НАД 20 СТЕПЕНИ: Детална метео анализа за утре и за следната седмица
ИНЦИДЕНТ ВО АВТОКОМАНДА, АМАДЕУС БЕНД САКАШЕ ДА ГО ПРЕКИНЕ КОНЦЕРТОТ: „Се налутија на тонецот“
МАЛИЌИ СТАНА ПОЧЕСЕН КОНЗУЛ НА МЕКСИКО: Во Скопје е отворен конзулатот за зајакнување на односите меѓу Мексико и Македонија
ПОЧНА РЕКОНСТРУКЦИЈАТА НА ДЕВЕ БАИР: Инвестиција од 1,6 милиони евра за граничниот премин со Бугарија
СТИГНА МЕДИЦИНСКА ПОМОШ ЗА ЛИБАН: Обединетите Арапски Емирати доставија 40 тони лекови и други материјали
„КОНТИ“ СОГОЛЕ И МАКЕДОНСКИ ГРАЃАНИ ЗА ДЕСЕТИЦИ МИЛИОНИ ЕВРА: Администраторот се огради од одговорност, а нема ниту кривична пријава до МВР
ПО ПОЧИНУВАЊЕТО НА БЕБЕТО ДСЗИ ВЛЕГУВА ВО ДЕТСКАТА КЛИНИКА И ВО „КОЗЛЕ“: Имало ли пропусти во лекувањето?
КОНТАМИНИРАНА ВОДАТА ЗА ПИЕЊЕ ВО СТРУМИЦА: АХВ наложи нови мерки за “Комуналец” од Струмица
