УТРИНСКИ ФОКУС: Колку години затвор може да се добијат за „Рекет“

Добивај вести на Viber

Понеделнички вести во фокусот на Фактор ...

*

Корупција и поткопување на правото: Колкава казна им се заканува на осомничените во „Рекет“

Казна затвор од една до пет години им се заканува на осомничените во случајот „Рекет“, ако ним им се суди само за делото „трговија со влијание“. Тоа е едно од кривичните дела кое беше споменато од Јавното обвинителство кога беше обелоденет случајот и во притвор завршија Бојан Јовановски, Боки 13 и Зоран Милески, Кичеец, кои се засега единствени осомничени во овој случај.

Повеќе детали за тоа читајте во денешната тема на Фактор овде.

Ако постои шемата за која зборува премиерот Зоран Заев со фиктивните рецепти за лекови тогаш загубата за државата е огромна, во милиони евра, коментираат експерти.  Сепак бараат овој скандал да се истражи, оти не сите веруваат дека матичните доктори на своја рака би пишувале рецепти кои не се покриени. Инаку Заев во четвртокот од собраниска говорница рече дека има шема во која доктори препишуваат фиктивни рецепти. Во петокот, Јавното обвинителство кажа дека се уште нема истрага, а дали ќе се отвара најверојатно ќе се знае неделава. Од ФЗОМ и од Министерството за здравство имаа скудни одговори за ова прашање - читајте детали овде.

Јавното претпријатие „Патишта на Србија“ соопшти дека во понеделникот, 29 јули, од 07.00 ч. стапува на сила новиот ценовник за патарини на автопатиштата зголемен за претходно најавените 12 отсто.

Перкс: За прифаќање на децата со попреченост надлежните мора да застанат на чело на промените

Собраниската расправа за предложениот Закон за основно образование ги разгоре аргументите дали е возможно да се воведе целосна инклузија на децата си попреченост во редовното образование, наместо комбинирана како досега со постоење и на специјалните училишта. Законот најмногу е критикуван од Институтот за специјална едукација и рехабилитација. И други страни тврдат дека не се воопшто против инклузијата, туку дека ваквиот предлог закон е нестручно напишан и подготвен и затоа може потоа да предизвика многу проблеми.

Kаде е потешко да се најде работа, во малите или големите градови?

Најголем дел од невработените во Македонија се концентрирани во три македонски градови,  Скопје, Куманово и Тетово, додека во другите општини бројот на жители, но и бројот на невработени е помал.