УТРИНСКИ ФОКУС: Нема нова „бомба“ за Боки 13-Пендаровски ќе има збор пред јавноста
Објавено во: Македонија 12 Август, 2019
Вести во фокусот на Фактор овој понеделник ....
*
По бурниот викенд со „бомби“ за „Рекет“ од Ларис Гајсер денес молк
Утринава јавноста не слушна нова аудио или видео снимка за случајот „Рекет“. Последната колумна објавена вчера, е повлечена од сајтот „Ла Верита“ без образложенија зошто ...*Прес конференција на Пендаровски
Шефот на државата ќе се обрати на прес конфернеција. За што претседателот ќе има збор засега е неизвесно а дали последните скандали кои ја тресат Македонија ќе бидат дел од говорот кој ќе го има напладне.
*
Како „Витаминка“ направи приход од 18,5 милиони евра за пола година?
Најголемата македонска прехранбено-кондиторска индустрија „Витаминка“ ги зголеми приходите од продажба за 20 отсто во првото полугодие годинава во споредба со истиот период лани. Прилепска „Витаминка“ имаше извонредно полугодие. Компанијата успеа да ги зголеми вкупните приходи до износ од 18,5 милиони евра. Од нив 18,2 милиони евра се приходи од продажба, а од тие 10,7 милиони евра се приходи од продажба на домашен пазар. Извозот изнесува 7,5 милиони евра.