Утрово измерени - 13 степени - каде беше најстудено?

Добивај вести на Viber

Утрово најстудено беше во Тетово. 

Измерени се -13 степени воТетово, -11 во Скопје Петровец, -10 во Маврово, -8 во Скопје, -7 во Берово, -6 во Крива Паланка, Куманово, Пожаране, -4 во Виница, Крушево, Лазарополе, Битола, -3 во Дебар, Штип, Тополчани, Ѓуриште, Демир Капија, -2 во Прилеп, -1 во Претор, Струмица, 1 во Охрид, Гевгелија, 2 Дојран.

Во крајниот јужен дел на земјава, во Претор денеска има повремен слаб снег.

Денеска ќе биде променливо облачно и претежно тивко.  По одделни котлини ќе има ниска облачност и слаба магла. Во текот на денот ќе има намалување на облачноста особено во северните делови на Македонија. 

Во скопското подрачје ќе биде променливо облачно и тивко со сончеви периоди,  но и со појава на слаба магла. Температурата ќе биде до 2 степени. 

Во наредните денови времето во Македонија ќе биде претежно стабилно и суво, односно ќе преовладува променливо облачно со сончеви и со појава на магла по котлините и по речните долини. В четврток и в петок ќе има зголемување на облачноста со услови за локален дожд. Температурата  на воздухот ќе има тенденција на пораст.

Кон крајот на неделава ќе има значително затоплување а тоа се очекува да предизвика забрзано топење на снежната покривка.