УЖИВАЈТЕ ВО УБАВОТО И СОНЧЕВО ВРЕМЕ - од понеделник ќе се зголеми облачноста, но високите дневни температури остануваат
Објавено во: Македонија 09 Март, 2025 06:28
Стабилното, суво и натпросечно топло време не очекува и денеска низ целата земја. Ќе биде претежно сончево со појава на мала локална облачност. Сето ова е поради влијанието на топлата воздушна маса која продира од југ низ Македонија и целиот регион.
Температурите, според синоптичарите, и денеска ќе се искачуваат во интервалот од 16 до 23 степени. И во Скопје и околината се очекува да достигнат близу или околу 23 степени. Сепак, утринските и понатаму ќе бидат под нулата,
Дневните температури се повисоки од просечните за овој период од годината.
- Наутро студено, преку денот сончево и топло со мала до умерена локална облачност. Ќе дува слаб јужен ветер - најавуваат од УХМР.Според објавата на нивната веб страна, невообичаено високите температури ќе продолжат и во текот на следната недела, но сепак, се очекува провмена на времето и зголемување на облачноста.
Во понеделник не се најавени дождови, но веќе од вторник во попладневните и вечерните часови се очекуваат и врнежи.
- Сончево и топло со мала до умерена облачност. Кон крајот на денот и во текот на ноќта ќе има локален пороен дожд и услови за појава на грмежи. Ќе дува умерен, наместа повремено засилен ветер од југоисточен правец над 60 километри на час. Слично време и во среда, кога не очекува променливо облачно, попладне и во текот на ноќта ќе има локален пороен дожд и услови за појава на грмежи. Ќе дува умерен, наместа повремено засилен ветер од југоисточен правец и ветер над 60 километри на час - објавува УХМР.
Можеби ќе ве интересира
ФАКТОР НА ДЕНОТ: Полицијата го уапси Бујар Дардишта, поранешен директор на Управата за водење на матични книги
Тошковски објасни во кои случаи полицијата ќе одзема возило
Toшковски откри кога „Безбеден град“ ќе се спроведе на целата територија на Македонија
Орце Ѓорѓиевски: Со едногласна одлука, реизбран сум за претседател на ЗЕЛС
ИЈЗ: Кога квалитетот на воздухот е лош – заштитете го вашето здравје!
СДСМ ИЗГУБИ НА СУД ОД МИЦКОСКИ: Апелација пресуди дека изнесувале невистини и клевети против него
ПОВЕЌЕТО ОД ОСУДЕНИТЕ ЗА 27 АПРИЛ, ДОБИЛЕ УСЛОВЕН ОТПУСТ: Издржале повеќе од две третини од казните
Европското знаење го применува дома: Милијана Богданоска праќа големи пораки преку еко начинот на живот
