Валентина Божиновска: СДСМ се тие кои „забиваат“ ножеви

Добивај вести на Viber

Валентина Божиновска, претседателката на Комисијата за односи меѓу верските заедници, се оправдува дека на протестот на ВМРО-ДПМНЕ пред ДИК не го спомнала терминот „Ноќта на долгите ножеви“ што е настан од нацистичката историја кога Хитлер наредил егзекуција на неговите неистомисленици и противници при што биле заклани над 80 луѓе. 

– Најостро ги демантирам и категорично ги отфрлам извадените зборови од контекст од мојот говор. За жал, тие што не го читале Анте Поповски и останатите македонски поети, не знаат за што станува збор. Во ниту еден момент не спомнав „ноќ на долги ножеви“, напротив зборував дека СДСМ и ДИК подготвуваат и забиваат нож на демократијата и на силната волја и слободниот избор на граѓаните на Р. Македонија кои одлучија на предвремените парламентарни избори, вели Божиновска.

Да потсетиме дека Божиновска рече ова е ноќ на ножевите, и имаше сосема жестока реторика против СДСМ и нивните поддржувачи. Ако сега сака да се оправда дека не мислела на нацистички масакар зошто воопшто искористи таков термин знае само Божиновска но, колку и да се обидува да се дистанцира јавноста не го оправдува ниту тонот, ниту обвинувањата кои водат кон поделби на народот.