Ванхауте: Кој е вистинскиот победник од изборите?

Добивај вести на Viber

Екс посредникот во преговорите, Питер Ванхауте за изборите во Македонија напиша текст под наслов: „Кој е вистинскиот победник од изборите?”

Тој им честита на сите граѓани кои гласаа за промени. Вели дека избрале вистинска демократија, која не е расипана  со корупција, со неправилни именувања, од атмосфера на страв. Ванхауте вели дека Македонија заслужува нов почеток со нова Влада и нови лица.

„Оние кои мислат дека можат да продолжат по авторитарниот пат, не се во право. Вие, тивкото мнозинство, покажавте дека се грижите за иднината на вашата земја, со вашиот глас, ви покажавте дека сакате да живеете во слобода во просперитетна земја со иднина – за вас и вашите деца. Топката сега е во кампот на албанската заедница: тие ќе одлучуваат за она што ќе се случи следно. За Албанците, јас би сакал да го кажам следново: “Не го губете времето повеќе. Не учествувајте повторно во владата, каде што сте целосно маргинализирани. Да, сте имале некои министри, па дури и заменик-премиер. Но, за сите важни одлуки, вие бевте отфрлени од страна на вашиот коалиционен партнер. Каде се економските инвестиции во вашиот дел од земјата? Што е со инфраструктурата, за училишта, болници, патишта?“ - пишува тој. 

Пишува дека е време  да се почне да се работи повторно на  интеграцијата во ЕУ и НАТО.