Варуфакис: Домино ефект во ЕУ ако Грција ја напушти еврозоната

Добивај вести на Viber

Сите во Европската унија кои сакаат Грција да ја напушти еврозоната си играат со оган, изјавил грчкиот министер за финансии Јанис Варуфакис. Ништо нема да ја спаси унијата од домино ефект доколу Грција или било која друга земја ја напушти еврозоната, порачува Варуфакис.

Јанис Варуфакис , во интервју за шпанската телевизија , рекол дека секој кој си огра со идејата на отсекување на делови од еврозоната, надевајќи се дека остатокот ќе преживее, си игра со оган.

Грчкиот шеф на финансиите во тоа интервју, кое е снимено пред десет дена, а емитувано синоќа, предупредил дека се лажат оние кои мислат дека се заштитени од грчките проблеми.

„Некои тврдат дека остатокот од Европа со ограда е одвоен од Грција и дека ЕЦБ има на располагање можности да ја ампутира Грција, ако тоа биде потребно, да ја затвори раната и да и дозволи на еврозоната да продолжи понатаму. Јас се сомневам дека тоа е можно така. Не само поради Грција, туку и поради било кој друг дел од Унијата“, наведува Варуфакис.

Ќе биде невозможно да се игнорира старвот од можниот домино ефект во Европа доколку Атина биде турната до точката кога ќе мора да го разгледува напуштањето на еврозоната, оценува Раша тудеј и додава дека банкрот на Грција би се одражил на целата европска економија, бидејќи Грција и е должна на Европската централна банка и е единствена од 19 земји кои го користат еврото.

„Кога еднаш идејата да монетарната унија не е вечна влезе во умовите на луѓето, почнуваат шпекулациите ...кој е следен? Тоа прашање ја разбива било која монетарна унија и порано или подоцна ќе почнат да растат каматаните стапки, политичките тензии и одливот на капитал“, предупредува Варуфакис.

Францускиот министер за финансии Мишел Спаен во изминатиов викенд рече дека еврозоната може да преживее без Грција,

„Доколку се случи нешто лошо, тоа ќе биде тешко за Грција , за грчкиот народ, а не за другите земји. Ние не сме сите во иста ситуација во која бевме пред четири или пет години“, истакнува Сапен.