Варуфакис: Грција повторно е пред банкрот
Објавено во: Балкан 17 Април, 2015
Грција е повторно под закана од паѓање во банкрот - Атина не може да го потпише постојниот договор за порамнување на нејзиниот долгот , и со тоа нема да ги реши економските проблеми. Тоа го изјавил грчкиот министер за финансии Јанис Варуфакис, кој е во Вашингтон и учествува во пролетната сесија на Меѓународниот монетарен фонд и Светската банка.
Грција доживува акутна потреба од расположливи средства. Нејзините доверители од еврозоната и Фондот ја замрзнаа финансиска помош, додека новата левичарска влада во Атина не прифати пакет реформи.
Тоа предизвикува стравувања дека грчката влада нема да може да ги изврши следните плаќања кон Фондот, кои изнесуваат вкупно околу една милијарда долари во следниот месец, што ќе ја отежни финансиската состојба на самиот Фонд.
Директорката на Меѓународниот монетарен фонд Кристин Лагард ја одби Грција за дополнително време за следната исплата на придонесот на надворешниот долг на земјата.