Добивај вести на Viber
Двајца загинати и над 30 повредени лица е билансот од несреќата на автопатот Белград - Шид кај Шимановце, кога во два верижни судари настраделе 36 возила. Како што јавува B92, првиот судар се случил на два километри пред наплатната рампа кај Шимановци, а втората до Печинац.
Густата магла, според очевидците е најверојатна причина за несреќата и невниманието на дел од возачите кои не ја прилагодиле брзина на условите на патот. Како што јавува РТС, меѓу повредените има три деца.
Двете загинати лица се наоѓале во исто возило, во кое удрило камион, јавува телевизијата. Патот останува блокиран, а ослободена е само една лента за спасувачките екипи. Во сударите учествувале и повеќе возила со странски регистарски таблички.