ВЕШТAK: Доведувањето на струјата до модуларната болница во Тетово го направиле две неквалификувани лица

Објавено во: Македонија 03 Април, 2025 19:18
Во фаза на доказна постапка денеска во Основниот суд Тетово повеќе од пет часа траеше главната расправа во судскиот процес за обвинетите Флорин Бесими и Артан Етеми како и правното лице ЈЗУ Клиничка болница за кривично дело „тешки дела против општата сигурност“, во врска со пожарот во модуларната болница во која животите ги загубија 14 лица. Пред Судот искази дадоа и беа сослушани вешти лица кои во текот на истрагата изработиле вештачења.
Прво овластениот судски вештак по електротехника Ирфан Шаќири пред Судот образложи дека по наредба на Јавно Обвинителство извршил вешт наод за можните индиции за појава на пожар во објектот на модуларната болница за првото судење и останува на фактите изнесени во тој извештај.
При поставените прашања од Обвинителството тој рече дека целокупната постапка за доведување на електрична енергија од трафостаница до модифицираниот објект наречен модуларна болница е направен од две неквалификувани лица, вработени во Клиничка болница.
- Во комуникација со нив во врска со определување на тип на проводник тие не понудија документ. Рекоа дека се направени пресметки врз основа на разговор со повозрасни електричари кои им кажале каков кабел да користат од трафостаница за да има струја во објектот, рече Шаќири.
На прашање на одбраната, дали се согласува со прашањето дека инсталацијата е изведена во спротивно од стандардите, вештото лица одговори со „да“.
Рубин Бошковски од Министерството за внатрешени работи кој изврши форензичко испитување истакна дека при вештиот наод утврдиле настанување на механичко оштетување на продолжителниот кабел поради нагмечувања или превиткување, на кој бил приклучен дефибрилатор.
- Високата температура довела до согорување на изолацијата од кабелот и создавање на пламен, посочи Бошковски.
На прашање дали при увидот биле забележани противпожарни апарати, Бошковски рече дека не биле евидентирани во самата болница.
Сведочеше и професорката Анита Грозданова од Технолошко-металуршкиот факултет која ги испитувала материјалите од кои е составена модуларната болница.
- Материјалите за изработка на префабрикуваниот контејнер ги задоволуваат барањата според спецификацијата на Министерството за здравство и истите се анализирани според процедури за соодветни својства за што гарантирам, рече професорката Анита Грозданова.
Од Технолошко-металуршкиот факултет, сведочеше и Свето Цветковски, кој ги испитувал металите кои се користени при изведба на привремените објекти познати како модуларни болници. И тој потврди дека металните материјали се според спецификацијата наложена од Министерството за здравство.
Универзитетските професори Влатко Стоилков и Владимир Димчев од Факултетот за електротехника и информациски технологии при Универзитетот „Свети Кирил и Методиј“ во Скопје, изработиле вешт наод и мислење во писмена форма за тоа дали модуларните болница биле изградени според проектната задача согласно барањата на договорниот орган.
- Според препораките на Светска Банка во Македонија имало четири типски објекти, а во Тетово бил изграден типски објект со ознака ЦЕ (латинско C). Во просториите на овие објекти, на еден кревет имало по една приклучница за електрична енергија (штекер) за еден и еден приклучок за кислород, рече Стоилков.
За професорот Владимир Димчев немаше други прашања, а тој рече дека останува на ставовите дадени во писмениот вешт наод и мислење.
По сослушувањето на вештите лица одбраната побара да се сослушаат и вештите лица од Германија кои имаат изработен извештај. Судијата Реџеп Муса истакна дека според насоките на повисокиот Апелациски суд предлогот на одбраната се одбива.
- Постојат доволно докази за околности на настанот, посочи судијата.
Судијата ја прекина главната расправа поради истекување на работното време и ја закажа за 8 април во 9 часот и 30 минути кога се предвидува да се читаат писмените докази од одбраната. Закажани беа и уште два термини на 22 и на 28 април исто така во 9 часот и 30 минути.
фото МИА
Можеби ќе ве интересира
Филипче: Ова е доказ дека нашите членови веруваат во исправноста на политиките кои ги водиме

ЦЕЛОСНО ЗАТВОРЕН ПАТОТ СТРУГА - ЌАФАСАН: снегот го отежна патувањето низ Македонија, задолжително понесете зимска опрема
ЗАТВОРЕНИ ГЛАСАЧКИТЕ КУТИИ ВО СДСМ - Филипче останува на кормилото на најголемата опозициска партија

„И ВО ОВИЕ БОЛНИ МИГОВИ, НЕКОЈ УСПЕА ДА ГО ПОДЕЛИ НАРОДОТ“: без марш, само собир и почит кон настраданите - организаторите бараат правда за сите

„ТРЕБА ДА ИМ ЗАБРНАТ И ПЕШКИ ДА ОДАТ, А НЕ КОЛА ДА ВОЗАТ“ - остри критики по апсењето на возачи во високо ниво на алкохол во крвта

СНЕГОТ ГИ ЗАВЕА ПЛАНИНСКИТЕ ПРЕМИНИ: воведена забрана за тешки товарни возила на неколку патишта
„ВНИМАНИЕ! НОВА ЕДНОНАСОЧНА УЛИЦА!“: граѓани споделуваат важни информации за сите возачи за промени во центарот на Скопје

СПАСЕН ЗАЛУТАН ПЛАНИНАР НА ПЛАНИНАТА КОЖУФ - ноќта ја поминал на отворено, но поради влошените услови загубил ориентација

МВР ТРАГА ПО СИНОТ НА ПОРАНЕШНИОТ ГРАДОНАЧАЛНИК НА ДОЛНЕНИ - објавената снимка од пукањето предизвика голем револт меѓу граѓаните
